चर्चित गायक चन्द्र शर्माको मौलिक लोक दाहोरी गीत काँचो सुर्ती बजारमा आएको छ ।
अग्रज श्रष्टा अमर विरही गुरुङको लय तथा सर्जक सुजन लम्सालको शब्द रहेको उक्त मौलिक गीतमा गायक चन्द्र शर्मा र गायिका प्रिय श्रेष्ठको श्वर रहेको छ । मेलोडी फिल्म्स प्रालिले बजारमा ल्याएको उक्त गीत गोविन्द मधुर आचार्यले एरेन्ज गर्नु भएको हो । गीतको भिडियोमा प्रकाश सपुत र निकिता पुनको अभिनय रहेको छ । साथमा थुप्रै कलाकारहरुको नृत्य हेर्न सकिन्छ । स्मृति तिमिल्सिनाको निर्देशन रहेको भिडियोको छायांकन सुरेश श्रेष्ठ र मनोज चौहान मगर गर्नु भएको हो । एकता फिल्म्स प्रालिले दृश्य निर्माण गरेको भिडियोको सम्पादन प्रकाश धमलाले गर्नु भएको हो ।
