काठमाडौं । काठमाडौं, भक्तपुर र रामेछापबाट जुवातास खेलिरहेका १७ जनालाई प्रहरीले पक्राउ गरेको छ ।
काठमाडौं कागेश्वरी मनहरा नगरपालिका २ आलापुर कृष्णचौर बस्ने ३१ वर्षीय राजु नगरकोटीको घरमा जुवातास खेलिरहेका नगरकोटी समेत ९ जनालाई ४ बुक तास र नगद ९६ हजार ५० रुपैयाँ सहित शनिबार बेलुका प्रहरीले पक्राउ गरेको छ ।
भक्तपुर मध्यपुर ठिमी नगरपालिका ३ बस्ने २७ वर्षीय क्षितिज प्रजापतीको घरमा जुवातास खेलिरहेका प्रजापती समेत ५ जनालाई ३ बुक तास र नगद ६४ हजार रुपैयाँ सहित शनिबार साँझ प्रहरीले पक्राउ गरेको छ ।
रामेछाप मन्थली नगरपालिका १ बस्ने ६९ वर्षीय रामबहादुर पुरीको घरमा जुवा(तास खेलीरहेका पुरी समेत ३ जनालाई नगद ३२ हजार ४ सय ५ र १ बुक तास सहित शनिबार साँझ प्रहरीले पक्राउ गरेको छ ।
यस सम्बन्धमा स्थानीय प्रहरीले थप अनुसन्धान गरिरहेको छ ।
स्रोतः नेपाल प्रहरी
