काठमाडौं । नेपालको सबैभन्दा बृहत स्तरको पुरुषहरुको ‘व्यूटी एवं ट्यालेन्ट सो’ मिस्टर नेपालको चितवन अडिसन सम्पन्न भएको छ ।
एक्सापोज नेपाल डट कमको आयोजनामा प्रत्येक वर्ष हुने मिस्टर नेपालको चितवन अडिसन सम्पन्न भएको हो । अडिसनबाट छानिएका प्रतिस्पर्धीहरुले आउँदो डिसेम्बर २६ मा काठमाडौंमा हुने ग्राण्ड फिनालेमा सहभागिता जनाउने छन् । अन्तिम प्रतिस्पर्धामा पनि छानिएर उपाधी हासिल गर्ने प्रतिस्पर्धीले विश्व स्तरमा आयोजना हुने मिस्टर वल्र्डमा सहभागिता जनाउने छन् । मिस्टर नेपाल नेपालकै सबैभन्दा बृहत स्तरमा पुरुषहरुको प्रतिस्पर्धा भएको एक्सपोज नेपालका मुख्य कार्यकारी अधिकृत अर्चना वस्नेतले बताउनु भयो । नेपालका विभिन्न स्थानमा सम्पन्न अडिसनबाट छानिएका प्रतिस्पर्धीहरुले काठमाडौंमा हुने मिस्टर नेपालको फाइनल प्रतिस्पर्धामा भाग लिने र त्यहाँबाट पनि छानिएका एक जनाले विश्वका सबै मुलुकबाट छानिएर आएका प्रतिस्पर्धीहरुसँग अन्तराष्र्टिय स्तरमा प्रतिस्पर्धाका लागि मिस्टर वल्र्डमा सहभागिता जनाउने अवसर पाउनेछन् । मिस्टर नेपालको बुटवल अडिसन मंसिर १० गते वुटवलमा हुने एक्सपोज नेपालका निर्देशक रविन्द्र श्रेष्ठले जानकारी दिनु भयो ।
