नुवाकोट । नेपाली कांग्रेसका केन्द्रिय सदस्य एवं प्रतिनिधि सभाका सांसद बहादुर सिंह लामाले नुवाकोटको बेलकोटगढी नगरपालिकाको एक विद्यालयाका विद्यार्थीहरुलाई जाडोमा लगाउने न्यानो लुगा विरण गर्नु भएको छ ।
सांसद लामाले बेलकोटगढी नगरपालिकाको बेलकोट भन्ज्याङ माध्यामिक विद्यालयका दुई सय ८९ विद्यार्थीहरुलाई न्यानो कपडा वितरण गर्नु भएको हो । विद्यालयमा एक कार्याक्रम आयोजना गरी विद्यार्थीहरुलाई लुगा वितरण गरिएको हो । सांसद लामाको आर्थिक सहयोगमा विद्यार्थीहरुले न्यानो लुगा पाएको कार्यक्रममा उपस्थित एक अविभावकले बताएका छन् । सांसद लामाले यसअघि पनि विभिन्न विद्यालयमा शैक्षिक समाग्री, विद्यालय पोशाकलगायतका सामान सहयोग गर्दै आउनु भएको छ ।
